चारा घोटाला के मुख्य आरोपी आ तब बिहार के मुख्यमंत्री रहल लालू प्रसाद झारखंड हाई कोर्ट से गोहार कइले रहलन कि 37 करोड़ रुपिया के घोटाला के एगो मामिला के सुनवाई दोसरा अदालत में होखे आ एगो अउर गवाह के गवाही दर्ज कइल जाव. हाईकोर्ट लालू के गोहार ना सुनलसि आ निचली अदालत के कहले बा कि पूरा बहस दस दिन में पूरा कर लिहल जाव. पिछला 28 जून के लालू प्रसाद यादव क ओर से सुप्रीम कोर्ट के वरिष्ठ वकील राम जेठमलानी एह ला बहस कइले रहलन आ ओकरा बाद अदालत आपन फैसला सुरक्षित रख लिहले रहुवे ओह दिन. उहे फैसला आजु सुनावल गइल.