“भोजपुरिया डॉन” के मिलल शानदार सफलता का बाद निर्देशक रवि सिन्हा के नयको निर्देशित फिल्म “लोफर” सुपर हिट हो गइल बा. एह फिल्म में निरहुआ, मोनालिसा, आ पाखी हेगडे के खास भूमिका बा. भोजपुरी सुपर स्टार दिनेश लाल यादव निरहुआ के मजगर एक्शन सीन, लाजवाब कामेडी, आ लहरदार रोमांस भीड़ के सिनेमा हॉल खींच ले आवत बा. अक्षत फिल्म इन्टरनेशनल का बैनर में मोनिका सिन्हा के बनावल एह फिल्म में गाँव देहात के बात कइल गइल बा. निरहुआ के डबल रोल बा. गीत विनय बिहारी, प्यारेलाल कवि, आ श्याम देहाती के, संगीत राजेश रजनीश के बा. बतावे लायक बा कि धर्मेन्द्र अभिनीत हिन्दी फिल्म “लोफर” अस धूम मचवले रहे कि ओकरा बाद कई गो हीरो ओह रोल के कइलन. जइसे कि अनिल कपूर आ मिथुन चक्रवर्ती. अब भोजपुरीओ में “लोफर” बन गइल आ एह लोफरन में निरहुओ के नाम जुड़ गइल बा.
(स्रोत – प्रशान्त-निशान्त)
लोफर सुपर हिट हो गइल
0 Comments