चुनाव जीते खातिर बहुते तरह के वादा कर चुकल सपा के सरकार बनते समुझ में आवे लागल बा कि भाषन देबे आ राशन बाँटे में का फरक होला. से पहिले बेरोजगारी भत्ता योजना में फेर बदल कर दिहल गइल आ अब लैपटॉप टैबलेट बाँटे के योजना में तरह तरह के तरीका अपनावल जात बा. अब पहिले कुछ चुनल गाँव, कवना आधार पर से अबहीं साफ नइखे, के विद्यार्थियन के लैपटॉप बाँटल जाई तब दोसरा के. आ ओहु में पहिले सरकारी इंटर कॉलेज तब सहायता प्राप्त कॉलेज, पहिले मदरसा तब संस्कृत विद्यालय के विद्यार्थियन के दिहल जाई.