कैमूर जिला के छतरपुरा गांव में आजु राजद विधायक अम्बिका यादव के भतीजा विनोद यादव के दिनदहाड़े गोली मार के घाहिल कर दिहल गइल. बतावल जात बा कि बदमाश उनुका के लूटल चाहत रहलें बाकिर गोली लगला का बावजूद विनोद यादव आपन मोटर साइकिल चलावत भाग गइलन. खून गिरला का चलते तिरोजपुर गाँव का लगे ऊ ढिमला गइलन.

विनोद यादव गोड़सरा में बैंक पाँच लाख रुपिया निकाल के दुर्गावती बिछिया राइस मिल जात रहलन जब उनुका पर ई हमला भइल. पुलिस अगल बगल के इलाका सील कर के बदमाशन के धर पकड़ में लागल बिया बाकिर अबहीं ले केहू के पकड़ाए के खबर नइखे.