बलिया 20 जून (वार्ता). उत्तर प्रदेश के बलिया जिला के जिला जेल में बुध का दिने एगो वीचाराधीन कैदी के मौत हो गइल.
जेल अधीक्षक प्रशांत मौर्य बतवलें कि सहतवार इलाका के डुमरिया गांव के कोटेदार रामजी पाण्डेय 17 मई से जिला जेल में बंद रहुवे. ओकरा पर सरकारी अनाज के कालाबाजारी करे के मुकदमा दर्ज रहुवे. मंगल का दिने रामजी के तबियत अचके बिगड़ गईल जवना का बाद ओकरा के जेल अस्पताल में भर्ती कइल गइल. बुध का दिने जब हालत अउरी खराब होखे लागल त बेहोशी का हालत में जिला अस्पताल ले जाइल गइल. ओहिजा डाक्टर रामजी पाण्डेय के मरल बता दिहलें.
लाश पोस्टमार्टम खातिर भेजल गइल बा.
सरकारी अनाज के कालाबाजारी करे के आरोपी कैदी के बलिया जेल में मौत
0 Comments