रासुका में गिरफ्तार वाराणसी के कांग्रेसी विधायक अजय राय के पत्नी रीना राय सोमार का दिने सोनिया गाँधी से भेंट क के अजय राय के रिहा करवावे के निहोरा कइली. उनुका साथे मीरजापुर मड़िहान के विधायक ललितेशपति त्रिपाठीओ रहलन.
सोनिया गाँधी कहली कि राजनीतिक बदला लेबे खातिर कानून के ई दुरुपयोग कांग्रेस ला चिंता आ चुनौती के बात बा, कहली कि एह मुद्दा पर सगरी कांग्रेस अजय राय का साथे बिया.