गोल्ड कोस्ट, 05 अप्रैल (वार्ता). भारत के उम्मीदन के भार सम्हारत प्रतियोगिता में शामिल भइल भारोत्तोलक मीराबाई चानु महिलन के 48 किग्रा वर्ग में रिकार्ड 196 किग्रा वजन उठा के भारत का झोरा में एह खेलन के पहिलका स्वर्ण पदक डाल दिहली.
मीराबाई से पहिलहीं से स्वर्ण पदक जीते के उमीद कइल जात रहुवे आ बड़हन दबाव का बावजूद ऊ निराश ना कइली. भारत के खिलाड़ी मीराबाई चानू राष्ट्रमंडल रिकार्ड आ राष्ट्रमंडल खेल रिकार्ड बनावत कुल 196 किग्रा वजन उठा देखवली आ स्वर्ण पदक हासिल क लिहली. गोल्ड कोस्ट में भारत के मिले वाला ई पहिलका स्वर्ण पदक हो गइल बा.