सिवान 03 नवम्बर (वार्ता) सिवान जिला के बसंतपुर थाना के मदारपुर बाजार में एगो दुकान पर विदेशी मुद्रा बदलावे आइल एगो आदमी के पुलिस संदेह का चलते गिरफ्तार क लिहलसि.

पुलिस बतवलसि कि मदारपुर बाजार में वेस्टर्न मनी यूनियन के कारोबार करे वाला का दुकान पर कुवैत के मुद्रा दिनार बदलवावे आइल धीरज कुमार के व्यवहार से दुकानदार के कुछ अनेसा बुझाइल त पुलिस के जानकारी दीहल गइल.

पूछताछ के बाद पुलिस ओह आदमी के गैरकानूनी विदेशी मुद्रा रखला के आरोप मे गिरफ्तार क लिहलसि. ओकरा लगे से जब्त कुवैती दिनार के दाम करीब 90 हजार रूपिया बतावल गइल बा.