हैदराबाद 24 अक्तूबर (वार्ता) भाजपा. के बड़का नेता एम. वैकेया नायडू आजु कहलन कि अगर कांग्रेस सांप्रदायिक एवं लक्षित हिंसा विधेयक के ओकरा मौजूदे रुप मे संसद मे पेश करे के कोशिश करी त ओकर कड़ा विरोध कइल जाई.
नायडू कहलन कि लोकसभा के कार्यकाल खतम होखे से पाँचे महीना पहिले एह विधेयक के पेश करे के प्रयास कांग्रेस के खराब मंसूबा देखावत बा. कांग्रेस एह विधेयक के पेश क के एकर राजनीतिक फायदा उठावल चाहत बिया. एह विधेयक से समाज में मजहबी आधार पर बँटवारा हो जाई आ एह ध्रुवीकरण के नतीजा देश ला बहुते खतरनाक होखी.
कहलन कि देशवासी एह पर निगाह राखसु आ संप्रग सरकार के एह नापाक रणनीति से सतर्क रहसु.
0 Comments