गोण्डा 27 मार्च (वार्ता). गोण्डा पुलिस मंगल का दिने देहात कोतवाली इलाका से एगो असलहा फैक्ट्रे के भंडाफोड़ करत दू गो अपराधियन के गिरफ्तार क लिहलसि. एहनी का लगे से बहुते असलहा, कारतूस, आ हथियार बनावे के सामानो धराइल बा.
पुलिस अधीक्षक लल्लन सिंह बतवलें कि कोतवाली देहात इलाका में पुलिस छापामार के अवैध हथियार बनावे वाली फैक्ट्री पकड़लसि आ मौके पर से दू गो अपराधी रामलक्षन आ ओंकार के गिरफ्तार क लिहलसि. एकना का लगे से आठ गो देशी असलह, कारतूस आ असलहा बनावे के इलेक्ट्रॉनिक ड्रिल मशीन, वेडिंग गेज, लोहा के लाइनर पिस्टन, नाल के टुकड़ा आ अउरिओ सामान बरामद कइलसि.
बदमाशन के निशानदेही पर असलहा कारोबार में लागल अउरिओ अपराधियन के जोहल जात बा आ ओकनी के ठिकानन पर पुलिस दबिश देत बिया.