मुंबई में तहलका मचवलसि दामिनी

बिहार में सफलता के इतिहास बनावे वाली आ निर्माता डा॰सुनील के चर्चित भोजपुरी फिल्म दामिनी मुंबईओ में गजब के शुरुआत करवले बिया. पहिला बेर कवनो भोजपुरी फिल्म मुबंई का बीस गो सिनेमा हाल में एक साथे रिलीझ कइल गइल.
Vinay Anand and Rani Chatterjee in Bhojpuri Film Damini
२५ तारीख के मुंबई में रिलीज से पहिले अँधेरी का फेम एड लैब में भोजपुरी सिनेमा के दिग्गजन के ई फिल्म देखावल गइल त सबकेहू एकर तारीफ कइलसि. फिल्म में रानी चटर्जी दामिनी नाम के एगो घरेलू महिला दामिनी के किरदार कइले बाड़ी जवना पर गाँव के दबंग शाहबाज खान के वासना भरल निगाह बा. ऊ दामिनी के पति (विनय आनन्द) के मरवा देत बा आ दामिनी पर तरह तरह के अत्याचार करत बा. दामिनी किरिया खा लेत बिया कि अपना साथे भइल हर अत्याचार के ऊ बदला ले के रही आ एह काम में ओकर साथ देत बाड़े विराज भट्ट.

प्रेम आ बदला पर आधारित एह फिल्म के संगीतो बहुते बढ़िया बा. निर्देशन मनोज नारायण आ शानू के बा जबकि गीत संगीत श्याम देहाती के.


(स्रोत : उदय भगत)

0 Comments

Submit a Comment

🤖 अंजोरिया में ChatGPT के सहयोग

अंजोरिया पर कुछ तकनीकी, लेखन आ सुझाव में ChatGPT के मदद लिहल गइल बा – ई OpenAI के एगो उन्नत भाषा मॉडल ह, जवन विचार, अनुवाद, लेख-संरचना आ रचनात्मकता में मददगार साबित भइल बा।

🌐 ChatGPT से खुद बातचीत करीं – आ देखीं ई कइसे रउरो रचना में मदद कर सकेला।