हैदर काजमी के फिल्म ‘कालिया’ के रिलीज का पहिलही से अक्षरा सिंह भोजपुरी फिल्म जगत में गरमागरम लिट्टी बन गइल बाड़ी जेही कालिया के प्रोमो देखत बा उहे तारीफ करे में लाग जात बा अक्षरा सिंह के. ‘सत्यमेव जयते’ में रवि किशन क नायिका बनके अपना कैरियर के शुरुआत करे वाली अक्षरा सिंह आज हर बड़का स्टार संगे फिलिम करत बाड़ी. दिनेश लाल यादव ‘निरहुआ’ साथे ‘एक बिहारी सौ पर भारी’ के शूटिंग अक्षरा सिंह हाल ही में ख़तम कइली. पवन सिंह साथे ‘बजरंग’ सफलता के डंका बजावत बावे. अब अक्षरा सिंह खेसारी लाल यादव संगे एगो फिल्म बतौर मुख्य नायिका खातिर साइन कइले बाड़ी. एकर निर्माण सम्राट क्रियेशन क बैनर में निर्माता अनंजय रघुराज आ अनिल सम्राट करत बाड़ें जबकि निर्देशक हउवें सुशील उपाध्याय.

---

(शशिकांत सिंह रंजन सिन्हा के रपट)