महाराजगंज से राजद सांसद उमाशंकर सिंह का निधन का बाद होखत लोकसभा सीट के उपचुनाव ला आजु वोट डलात बा. राजद एहिजा से उमाशंकर सिंह के धुर विरोधी रहल आ जदयू से राजद में आइल प्रभुना्थ सिंह के उम्मीदवार बनवले बिया जबकि उमाशंकर सिंह के बेटा जितेन्द्र स्वामी कांग्रेस का टिकट पर चुनाव लड़त बाड़ें. प्रतिष्ठा के चुनाव बन गइल एह सीट पर जदयू का ओर से मंत्री पी के शाही मैदान में बाड़न. चुनाव कवनो कगरी बइठ सकेला एहसे एह चुनाव के राजनीतिक महत्व बहुते बढ़ल बा आ नीतीश कुमार अउर लालू प्रसाद ला ई चुनाव नाक के लड़ाई बन गइल बा.