सिनेमा भोजपुरी के सुपर स्टार दिनेशलाल यादव के दिलेरी अबकी का होली पर पूरा देश में देखे के मिली. फिलिम “दिलेर” 27 मार्च से पुरा देश मे रिलीज कइल जाई.

निर्माता हउवें मशहूर वितरक डा. सुनील कुमार, आ निर्देशक सुब्बाराव गोसांगी. डा॰ सुनील आ गोसांगी के इंटरव्यू एही साइट पर अलग से पढ़ीं. कहानीओ खुद डा. सुनीले कुमार लिखले बाड़न जबकि स्क्रीनप्ले सुब्बा राव, संवाद सुरेन्द्र मिश्रा आ प्यारे लाल ‘कवि’, गीत प्यारे लाल ‘कवि’. संगीत बावे विजय लक्ष्मी इंटरनेशनल के, कैमरा संचालन अमर के, मारधाड़ निर्देशन वेंकट के आ नृत्य निर्देशन दिलीप एंथोनी अउर कानू मुखर्जी के बा.

कलाकारन में दिनेशलाल यादव ‘निरहुआ’, अक्षरा सिंह, अवधेश मिश्रा, अयाज खान, माया यादव, रीचामणि त्रिपाठी, टार्जन, रूपा सिंह, मंटूलाल, संजय पांडे अउर सीमा सिंह वगैरह.

दिनेशलाल यादव ‘निरहुआ’ अर्जुन नाम के एगो ‘दिलेर’ के टाईटल भूमिका में बाड़न. निरहुआ एह फिलिम में बहुते खतरनाक एक्शन स्टंटस बिना कवनो डुप्लीकेट के कइले बाड़न आ कहतारें कि उनकर अबले के सबले बेहतरीन एक्शन सीन बा एह फिलिम में. आ शानदार संवाद अदायगी के नमूना होखी ‘‘किसकी मजाल है जो छेड़ दे दिलेर को, कुत्तों का झुण्ड काट सकता है ना दिलेर को’’.

(शशिकांत सिहं आ प्रशांत निशांत के अलग अलग रपट से)