भोजपुरी सिनेमा के सफलतम निर्देशक का रुप मं आपन पहिचान बना चुकल राजकुमार आर पाण्डेय के हालहि में दिल्ली में आयोजित एगो भव्य समारोह में भअरत ज्योति नेशनल अवार्ड से सम्मानित कइल गइल. उनका के सम्मान का रुप में एगो स्मृति चिन्ह, अंगवस्त्र, आ प्रशस्ति पत्र आसाम के पूर्व राज्यपाल भीष्म नारायण सिंह का हाथे दिहल गइल.
साल २०१० में अबले लगातार तीन गो ब्लाकबस्टर फिल्म, सात सहेलिया, देवरा बड़ा सतावेला, आ सईयां के साथ मड़ईया में, दे चुकल बाड़न. सम्मानित भइला का बाद राजकुमार आर पाण्डे कहले कि ई सब त पूरा फिल्म इण्डस्ट्री आ दर्शकन के प्यार के नतीजा ह. सम्मानित होखला का बाद उनका के रविकिशन, दिनेश लाल यादव निरहुआ, दुर्गा पंरसाद मजुमदार, दिलीप जायसवाल, मेहमूद अली, सुनील जैन, महैस पाण्डे, मुकेश पाण्डै, बिट्टू सरदार, राको लैब, कुमार गौतम, रीना एस पासी, आ प्रशान्त निशान्त का तरफ से शुभकामना दिहल गइल.
(स्रोत : प्रशान्त निशान्त)
0 Comments