आजु बुध का फजीर में भारत आपन सबले नयका संचार उपग्रह जीसैट-15 के फ्रेंच गयाना के कोगू अंतरिक्ष केन्द्र से एरियनस्पेस का जरिए सफल प्रक्षेपण कइलसि. जीसैट-15 तीन हजार एक सौ 64 किलोग्राम वजन के आ बहुते बेंवतगर उपग्रह बावे जवना के इनसैट-जीसैट प्रणाली में शामिल कइल जा रहल बा. भारतीय अंतरिक्ष अनुसंधान संगठन (इसरो) के कहना बा कि एह उपग्रह में 24 गो संचार ट्रांसपॉन्डर डालल गइल बा.
जीसैट-15 तिसरका उपग्रह हे, जवना से जी पी एस पर चले वाला दिशा सूचक गगन पेलोड के अंतरिक्ष में चहुँपावल गइल बा. एह प्रक्षेपण से भारत के लोग के बहुते सहूलियत मिले वाला बा.