रोहतास जिला के ग्रामीण कार्य विभाग के कार्यपालक अभियंता ध्रुव प्रसाद के लेके मंत्री भीम सिंह आ भाजपा विधायक रामनरेश चौरसिया का बीच जम के बतकही भइल. विधायक के आरोप रहे कि मंत्री ओह इंजीनियर के बचावत बाड़न. मंत्री के जवाब रहल कि आरोप के जाँच करावल जा रहल बा आ आरोप सही साबित भइला पर इंजीनियर के निलंबित करे में तनिको देरी ना होखी. कहले कि साबित हो जाव कि ऊ इंजीनियर खातिर पक्षपात करत बाड़े त ऊ राजनीति कइल छोड़ दीहें.