- मुख्यमंत्री नीतीश कुमार बाढ़ग्रस्त इलाका के हवाई दौरा कइले आ राहत के काम तेज करे के निर्देश दिहले. हर बाढ़ पीड़ित परिवार के एक क्विंटल अनाज आ बाइस सौ रुपिया के नकद सहायता दिहल जाई. खेत में खड़ा फसल के नुकसानो के मुआविजा दिहल जाई. अबही नुकसान के हिसाब लगावल जा रहल बा.
- बिहार में पाँच सौ से बेसी आबादी वाला हर गाँव के पक्का सड़क से जोड़ल जाई.
- सिवान जिला के बड़हरिया थाना के भदाई गाँव के एगो मतिसुन्न अपने परिवार के चार जने के चाकू मार के घवाहिल कर दिहलसि.
- पूर्वी चंपारण के हरसिद्धि थाना के रानी छपरा गाँव में नदी में नहाये गइल दू गो सगी बहन डूब के मर गइली.
- बक्सर शहर में राजेन्द्र केसरी नाम के एगो व्यवसायी के गोली मार के हत्या कर दिहल गइल जवना का विरोध में लोग बाजार बंद राखल आ सड़क जाम लगावल.
बिहार के खबर, सोमार 22 अगस्त का दिने
0 Comments