पटना से बनारस जात एगो बस सोनबरसा चौकी के कड़सर गाँव का लगे बुध का सबेरे पलटी मार दिहलसि जवना से ओह पर सवार चार जने में से दू जने के मौत हो गइल. बतावल जात बा कि बस पर डेढ़ लाख रुपिया के सामान लादल रहुवे आ सवारियन खातिर जगहा ना बाचल रहुवे. बस पर एही से मोटे चारे जने सवार रहलन. मरे वाला में बस के ड्राइवर भभुआ के श्यामसुंदर माली आ फुलवारीशरीफ मुर्गीटोल के साबिर असारी रहले. साबिर श्यामसुंदर के दोस्त रहुवे आ घूमे ला बनारस जात रहुवे.
0 Comments