- बिहार के समस्तीपुर जिला के दू गो ट्रक मालिकन का बीच झगड़ा में दू लोग के मौत हो गइल.
- अभयानंद के बिहार के पुलिस महानिदेशक बनावल जाई. १९७७ बैच के अभयानंद इकतीस अगस्त के रिटायर होखे वाला नीलमणी के जगहा लीहे.
- मुजफ्फरपुर में काल्हु भइल बाघ एक्सप्रेस के सवारियन आ पुलिस का बीच भइल मारपीट से खिसियाइल लोग ढोली स्टेशन पर ट्रेन रोक दिहल. बाद में प्रशासन का दखल का बाद ट्रेन चलल बाकिर एह अफरातफरी में एगो नौजवान रेलगाड़ी से कटा गइल.
- कैमूर के मोहनियां में उसरी गाँव का लगे एगो सड़क दुर्घटना में दू गो पर्यटक के मौत हो गइल आ तिन जने घवाहिल हो गइले.
- एह साल बिहार सरकार का तरफ से एक लाख से बेसी महादलित परिवार के मकान बनावे खातिर जमीन दिहल जाई.
- छपरा में २ सितम्बर से सेना के बहाली होखे वाला बा. एह खातिर प्रमाणपत्र बनवावे में दिक्कत आ रहल बा जवना का खिलाफ खिसियाइल लड़िका काल्हु प्रदर्शन कइले आ समाहरणालय जाये वाली सड़क पर जाम लगवले. बाद में थाना प्रभारी आ के अपना देखरेख में फार्म जमा करववले.
- पूर्वी चंपारण के छतौनी के एगो व्यापारी के गोली मार के ओकरा लगे से दस लाक रुपिया लूट लिहल गइल.
बिहार के खबर, बियफे 25 अगस्त का दिने
0 Comments