भोजपुरिया किंग दिनेशलाल यादव निरहुआ आ नेपाली सुपर स्टार विराज भट्ट के हिट जोड़ी एक बेर फेर से धमाल मचावे के तइयारि में बा. अगिला महीना एह लोग के एक्शन रोमांटिक फिल्म दाग रिलीज होखे जा रहल बा. जवना में दुनु जने के भाई भाई के किरदार बा जे अपना खुशहाल जिन्दगी के नजर लगावे वालन के खात्मा करत नजर आई. फिल्म में निरहुआ के किरदार कला के पुजारी के बा त विराज के फाइटर के.

दिनेश विराज के ई जोड़ी एकरा पहिले लागल रहऽ ए राजाजी, आ दिवाना में आ चुकल बा. अब इन्तजार बा दाग के जवना के निर्माण रामाकांत प्रसाद कुमारी माई मूवीजज का बैनर में बनवले बाड़े आ आदिशक्ति इन्टरप्राइजेज एकरा के प्रस्तुत कइले बा. निर्देशनो रामाकांते प्रसाद के बा जे एह फिल्म से अपना निर्देशन के कैरियर के शुरुआत कइले बाड़े.

फिल्म के मुख्य कलाकारन में दिनेशलाल पाखी के जोड़ी, विराज भट्ट स्वाति वर्मा के जोड़ी, स्वीटी छाबड़ा, संजय पांडे, एयाज खान, अनिल यादव, महेश राज, पुष्पा वर्मा, वंदनी मिश्रा, धामा वर्मा आ आयटम गर्ल सीमा सिंह बाड़ी. गाना विनय बिहारी आ प्यारेलाल यादव के बा, संगीत विनय बिहारी के, कहानी संतोष मिश्रा के, छायांकन रवि चंदन के आ संपादन जीतेन्द्र सिहं जीतू के बा.

(स्रोत : प्रशान्त निशान्त)