पहिलहूं हॉट रोल में नजर आ चुकल रिंकू घोष अब अउरीओ धमाकेदार रोल करत बाड़ी एम.आई. राज के अगिला फिलिम ‘इंसाफ के डंका’ में. एकर शूटिंग राजपिपला में करत बाड़ी रिंकू घोष. भूमिका अइसन कि देखे वाला चउँक जइहें. एह नारी प्रधान फिलिम में रिंकू घोष के नायक बाड़न आदित्य मोहन जिनकर ई पहिला फिलिम होखी.

पिछला साल के बहुते चर्चित फिलिम ‘केहू हमसे जीत ना पाई’ एम.आई. राजे निर्देशित कइले रहलें आ रहमें रिंकू घोष के हॉट लुक खूब चर्चा बटोरले रहल.

(शशिकांत सिंह रंजन सिन्हा)