भोजपुरी सिनेमा के मेगा स्टार मनोज तिवारी भोजपुरी सिनेमा के अकेला कलाकार बाड़न जिनका के बालीवुड के क्रिकेट क्लब में शामिल कइल गइल बा. पिछला दिने सिलीगुड़ी में आयोजोत एगो चैरिटी मैच में बालीवुड क्रिकेट क्लब के मुकाबिला टालीवुड क्रिकेट क्लब से भइल. एह मैच में सुनील शेट्टी का कप्तानी में खेलत बालीवुड के टीम टालीवुड के टीम के निमना से हरा दिहलसि. एह मैच में चार गो विकेट लेबे वाला आ सोलह गो रन बनावे वाला मनोज तिवारी के “मैन आफ दि मैच” घोषित कइल गइल. बालीवुड का तरफ से खेले वालन में कप्तान सुनील शेट्टी आ मनोज तिवारी का अलावे आफताब शिवदासानीम डिनो मारिया, शक्ति कपूरम प्राची देसाई आ महिमा चौधरी वगैरह कलाकार बतौर खिलाड़ी शामिल रहले. मैच का बाद सिलीगुड़ी के मीडिया मनोज तिवारी के जादूई खेल के खूब प्रशंसा कइले.
(स्रोत – शशिकांत सिंह)
0 Comments