भोजपुरी के अव्वल अदाकारा रिंकू घोष के सगाई कुछ दिन पहिले ओमान में पेप्सीको कंपनी के एगो अधिकारी अभिजीत दत्ता राॅय का संगे हो गइल. एह खबर के पुष्टि उनकर जनसम्पर्क अधिकारी शशिकांत सिंह क दिहले बाड़े.

बतवले कि ई सगाई रिंकू घोष के बाप महतारी के पसंद से भइल बा. रिंकू घोष पहिलहू कहत रहली कि शादी जब होई तब बाप महतारी के चुनल लड़िका से होखी.

सगाई समारोह में दुनू तरफ के बहुते करीबिए लोग शामिल भईल. शादी का बाद मुंबई में एगो बड़हन पार्टी दिहल जाई जवना में बालीवुड, भोजपुरी सिनेमा, टेलीविजन आ मीडिया से जुड़ल लोग के नेवतल जाई.

(शशिकांत सिंह)