सिनेमा भोजपुरी के सुपर स्टार विनय आनंद अब महुआ चैनल के लोकप्रिय शो ‘भऊजी नम्बर वन’ के एंकरिंग करीहें. विनय आनन्द एहसे पहिले चर्चित शो ‘गृह लक्ष्मी’ ओ के एंकरिंग कइले रहलें आ शो सफलता के परचम लहरवले रहुवे.
विश्वामित्र इंडिया परिवार के स्पांसर्ड शो ‘भऊजी नम्बर वन’ सीजन-5 खातिर विनय आनंद बहुते उत्साहित बाड़न. कहलें कि शो उनुका पसंद रहल से एकर बने खातिर तुरते हँ कह दिहलन.
एह शो के फार्मेट का हिसाब से विनय आनंद कई एक शहरन में जइहें आ ओहिजा के गृहिणियन के एह शो खातिर नेवतिहें.
एह साल विनय आनंद के पूरा एक दर्जन फिलिमो रिलीज होखे वाली बाड़ी सँ. एहमें ‘हमरे नामे जिला हिलेला’, ‘एलान-ए-जंग’, ‘कजरा मोहब्बतवाला’, ‘तुलसी बिन सूना अंगनवा हमार’, ‘दामाद चाहीं फोकट में’, ‘दबंग दामाद’, ‘विनय भईया कईलस कमाल’, ‘काली’, ‘लक्ष्मण रेखा’, ‘दंगल’ ‘गुलाब थियेटर’ आ ‘चुनरी संभाल गोरी’ जइसन फिलिम बाड़ी सँ.
(शशिकांत सिंह)
0 Comments