ई डायलगे बतला देत बा कि भोजपुरी सिनेमा का परदा पर बवाल होखे जा रहल बा. भोजपुरी फिल्म हम हईं मुन्ना भईया, जवना के ई डायलाग हऽ, के निर्देशन जानल मानल निर्देशक इकबाल बख्श कइले बाड़े आ निर्माता संजय निषाद आ गौतम निषाद हवे लोग जे शान परफारमिंग ग्रूप के निषाद इन्टरटेनमेंट का बैनर में एकरा के बनवले बाड़न. एह फिल्म में बिहार आ पूर्वांचल के माफिया राज के कच्चा चिट्ठा खोलल जाई. बतावे वाला त इहे कहत बाड़न कि ई फिल्म गंगाजल आ अपहरण जइसन फिल्मन के भोजपुरिया वरजन ह.
निर्देशक के दावा बा कि भोजपुरी में अइसन फिल्म आजु ले नइखे बनल. एहमें हाई वोल्टेज एक्शन सीन बा, रोमांस बा, आ कामेडी बा, साथही बावे एगो नया कहानी जवन लोग के मजबूर कर दीहि फिल्म देखे खातिर. फिल्म के प्रस्तुति नागेश मिश्रा कइले बाड़े. मुख्य भूमिका करत सुशील सिंह के एक्शन, कामेडी पंच, डांस, आ इमोशन सीन सब कुछ लाजवाब बा. नायिका बाड़ी अनारा गुप्ता. फिल्म के बाकी कलाकारन में सोम यादव, एयाज खान, गोपाल राय, अवधेश मिश्रा, रणधीर सिंह, प्रकाश जैस, इरशाद खान, ललन सिंह आ सिकन्दर खान के नाम बा. गीतकार हउवें भृरुग वृंदा आ सुजीत चौबे, संगीतकार सागर सेन आ सुजीत चौबे, सह निर्माता सोहेल शेख, कासिम शेख आ अब्दुल हसन.
कहल जा रहल बा कि एह फिल्म से भोजपुरी के मुंबईया स्टाइल के सिक्का चल जाई.
(स्रोत : शशिकान्त सिंह, रंजन सिन्हा )
i filim 3 saal se ban rahal ba kab riliz hoi pata nahi … nirmaata nirdeshak mahoday ke jaap kav vaveke chahi