सिवान जिला के बड़हरिया इलाका के तेतहली दक्खिन टोला के पचपन साल के झूलन सिंह शनिचर का रात में अपना दुआरी पर सूतल रहलें. सूतले में उनका के गोली मार के मुआ दिहल गइल बाकिर घर के लोग के एह बात के पता अतवार का भोर में लागल जब लोग उनका के जगावे गइल आ देखल कि उनुकर जान ले लिहल गइल बा. घरवालन के कहना बा कि झूलन सिहं के केहू से निजी दुश्मनी ना रहुवे. एहसे पुलिस अनजान लोग का नाँवे मुकदमा दर्ज कर के पड़ताल करत बिया.

एगो दोसर घटना में तरवारा इलाका के भलुआई गाँव का नियरा गंडक नहर से सटले एगो अधेड़ आदमी के लाश मिलल. ओह आदमी के छूरा घोंप के मारल गइल रहे. ओह आदमी के पहचान नइखे मालूम होत.