सातवां वेतन आयोग के सिफारिश में केन्द्र सरकार के पचास लाख कर्मचारियन खाति खुशखबरी आवे वाला बा आ ओह लोग के वेतन में पन्द्रह फीसदी के बढ़ोतरी हो सकेला. एकरा से पेंशन उठावे वाला लोगो के फायदा होखे वाला बा. सातवां वेतन आयोग के रपट 19 नवंबर के सरकार के दीहल जाए के उमेद बा.
अधिका उमेद बा कि केन्द्र सरकार एह आयोग के सुझाव मान ली आ 1 जनवरी 2016 से एकर लाभ मिलल शुरु हो जाई. इहो बतावल जात बा कि रिटायर होखे के उमिर में कवनो तरह के बदलाव करे के सुझाव नइखे देबे जात वेतन आयोग.
एक बेर केन्द्रीय कर्मचारियन के तनखाह बढ़ल त राज्य सरकार के कर्मचारियनो के तनखाह बढ़े बढ़ावे के राह खुल जाई आ ओहू लोग के नीमन दिन आवे के उमेद बन जाई.