राज्य निर्वाचन आयोग कहले बा कि पंचायत निर्वाचन सूची में जिनकर नाम नइखे आ जेकर नाम पिछला विधानसभा निर्वाचन का वोटर लिस्ट में रहुवे ऊ आपन नामांकन दाखिल कर सकेला आ वोट डाल सकेला. एह मामिला में सगरी जिलाधिकारियन के निर्देश दिहल जा चुकल बा. कुछ प्रभावी लोग आपन प्रभाव के गलत इस्तेमाल कर के अपना प्रतिद्वनद्वियन के नामे कटवा दिहले बा वोटर लिस्ट से. ना नाम रही ना चुनाव लड़ पइहें उनकर विरोधी. अब ओह लोग के निराशा हाथ लागल होई.