बलिया जिला के बँटवारा क के बेल्थरा रोड के नया जिला बनावे का उमेद मे बेल्थरा रोड के लोग जमाना से बेताब बा. लागत बा कि अब एह लोग के इंतजार के घड़ी खतम होखे वाला बा आ जल्दिए बेल्थरा रोड के जिला बना दिहल जाई.
एह काम खातिर दबाव बनवले एहिजा के विधायक गोरख पासवान का पहल पर बलिया के डीएम मऊ आ देवरिया जिलन से रिपोर्ट मँगवले बाड़न. एह जिला मे कवना कवना गाँव के राखल जाव एह बाबत गुणा भाग शुरु हो गइल बा. रसड़ा तहसील मे पड़ेवाला ओहू गाँवन के बेल्थरा मे शामिल करावे के कोशिश हो रहल बा जवन बेल्थरा रोड विधानसभा मे पड़ेले.
0 Comments