अतवार के साँझ महाराजगंज के सांसद प्रभुनाथ सिंह के काफिला दाउदपुर इलाका के जैतपुर गांव में चैम्पियन पहलवान रहल सीताराम सिंह के सराध में शामिल होखे जात रहुवे. दाउदपुर टीसन के पछिमारा समपार गेट खुलल मिलल त काफिला आगे बढ़ गइल बाकिर एही बीच सिवान का ओर से बाघ एक्सप्रेस धड़धड़ात आवत रहुवे. संजोग नीमन रहल कि एक्सप्रेस के ड्राइवर एह काफिला के देख इमरजेन्सी ब्रेक लगा के गाड़ी रोक लिहलसि आ एगो बड़हन हादसा होखत होखत बाचल.