अमेरिका जा के राष्ट्रपति बराक ओबामा से बतियवला का बाद पाकिस्तान के प्रधानमंत्री नवाज कश्मीर खाली हाथे लवटे ला मजबूर हो गइलन. कश्मीर मामिला में दखल देबे के पाकिस्तानी मांग ना मनलसि अमेरिका आ इहो कह दिहलसि कि ओकरा साथे भारत जइसन परमाणु करार ना कइल जा सके. साथही अमेरिका उनुका के चेतवलसि कि आतंकियन का खिलाफ कार्रवाइ करे से गुरेज मत करसु. बाकिर ओकरा बादो नवाज शरीफ अपना आदत से बाज ना अइलन आ अमेरिकी कांग्रेस के एगो माथ थिंक टैंक यूएस इंस्टीट्यूट ऑफ पीस से कहलन कि भारत बात करे के तइयार नइखे आ आपन हथियारो बढ़वले जात बा जवना चलते पाकिस्तानो के अपना बचाव खातिर जरुरी उपाय करे के पड़त बा. सभा में नवाज शरीफ का खिलाफ नारे बाजी भइल. विरोध करे वाला के कहना रहुवे कि पाकिस्तान बलुचिस्तान से बाहर निकले.