बलिया जिला के सुखपुरा इलाका के धरहरा गाँव में पिछला दिन जहरीला शराब पियला से तीन लोग के मौत आ कई लोग के आँख खराब होखे का मामिला में लापरवाही बरते का चलते एसओ सुखपुरा, हनुमानगंज चौकी इंचार्ज आ धरहरा बीट के सिपाही के सस्पेंड कर दीहल गइल बा.
पिछला बुध का दिने परधानी के चुनाव लड़े वाला एगो प्रत्याशी बाटी मुर्गा के भोज दिहले रहुवे आ देशी शराब के बोतल बँटले रहुवे कि घरे जा के पीहऽ लोग. ओही शराब का चलते तीन जने के मौत हो गइल आ कई लोग के आँख खराब हो गइल बा. बाकिर अबहीं ले ओह प्रत्याशी के नाम सामने नइखे आइल जे जहर बँटले रहुवे.