पटना में पटना सिटी कन्या उच्च माध्यमिक विद्यालय के स्वर्ण जयन्ती समारोह के संबोधित करत बिहार के मानव संसाधन मंत्री प्रशान्त कुमार शाही बतवले कि अगिला पाँच साल में राज्य में पन्द्रह हजार उच्च विद्यालय खोलल जाई. अबहीं राज्य में तीन हजार उच्च विद्यालय बा. एह साल एक हजार नया स्कूल खूल जाई. राज्य में प्रशिक्षित अध्यापकन के कमी दूर करे खातिर मंत्री कहले कि बरीसन से बंद पड़ल सगरी शिक्षण प्रशिक्षण महाविद्यालयन में पढ़ाई शुरु कर दिहल जाई.