बिहार विधान परिषद के तीन गो सीट खाली होखे वाला बा. एहमें से एगो जदयू का लगे रहल जबकि दू गो राजद का लगे. एह सीड़न के उपचुनाव में भाजपा चाहत बिया कि एक सीट ओकरा के दे दिहल जाव. उपचुनाव खातिर २९ अप्रेल ले नामांकन भरे के मौका बा जबकि जरूरी भइल त मतदान ९ मई के करावल जाई.
देखल जाव जदयू एह पर का फैसला लेत बा काहे कि काल्हुए जदयू के प्रदेश अध्यक्ष वशिष्ठ नारायण सिहं कहलन कि जदयू अब झूके के तइयार नइखे. दोसरा तरफ भाजपा नेता हरेन्द्र प्रताप के कहना बा कि भाजपा के आपन इज्जत बचावे के फिकिर होखे त गठबन्हन से अलग हो जाव ना त एक दिन गारी सुन के हटे के पड़ी. भाजपा में सुशील मोदी गुट अबहियों नीतीश से नाता बनवले रखला के पक्षधर बा. भाजपा का लगे पिछड़ा वर्ग से कवनो दोसर मजगर नेता ना रहला का चलते सुशील मोदी गूट के बात मानल मजबूरी जइसन हो गइल बा.
0 Comments