आजादी के लड़ाई के महान सेनानी बाबू कुंअर सिंह के विजयोत्सव आजु बिहार आ यूपी में धूमधाम से मनावल जात बा. साल सत्तावन के गदर के दौरान दानापुर के तीन गो देसी पलटन बगावत कर दिहले रहीं सँ बाकिर नेतृत्व के लटकल मामिला सलटावे खातिर जगदीशपुर के बाबू कुँअर सिंह से निहोरा कइल गइल. अस्सी साल का उमिर भइला का बावजूद एह लड़ाई के अगुआ बने खातिर बाबू कुँअर सिंह तइयार हो गइलन. लड़ाई में ऊ खुद शामिल रहसु आ अपना तेग से अंगरेज के मूड़ी काटत जासु.

कई दिन ले चलल ओह लड़ाई का दौरान भूमिगत रहि के बाबू कुँअर सिंह लड़ाई करसु आ अंगरेजन के नाकी में दम कर दिहले रहलें. बाकिर अंगरेजन के बड़हन फौज का सोझा उनकर लड़ाई ढेर दिन ले ना चल सकल आ राँची हजारीबाग साइड से आवे वाला बागी सही समय पर ना चहुँप सकलें आ घवाहिल कुँअर सिंह खुद अपने हाथ से तलवार चला के बम से चिथड़ा भइल हाथ केहुनी का नीचे काट दिहले रहलें.

अइसन भोजपुरिया लाल के उनुका जनमदिन पर लाख लाख नमन.