भोजपुरी सिनेमा के एक्शन स्टार कहाये वाला सुदीप पाण्डे फेर भोजपुरिया परदा पर दरोगा के भूमिका करे जा रहल बाड़न. पर साल भोजपुरिया दरोगा में दरोगा के सशक्त भूमिका जीवन्त करके सफलता पावे वाला सुदीप पाण्डे के दरोगा के ई अन्दाज माँ तीर्थवासिनी देवी का बैनर में बनेवाली निर्माता जी के चतुर्वदी के भोजपुरी फिल्म हमार ललकार में देखे के मिली. सुदीप एगो कड़क आ इमानदार दरोगा के किरदार कइले बाड़न.

एह फिल्म में सुदीप के नायिका के रोल में अदाकारा प्रिया सिंह बाड़ी. बाकी कलाकारन में उमेश सिंह, अनारा गुप्ता, प्रिया शर्मा, नीलिमा सिंह, मनोज द्विवेदी, सुनिता शर्मा, विनोद मिश्रा, समीर शेख, जय तिलक, बालेश्वर सिंह, किट्टू, आ आनन्द मोहन बाड़े. चलीं तइयार रहल जाव सुदीप के दरोगई देखे खातिर.

(स्रोत : प्रशान्त निशान्त )