वइसन लोग जिनकर आमदनी वेतन से होला आ दोसर कवनो आय के स्रोत ओह लोग का लगे नइखे त ऊ लोग हर साल इन्कम टैक्स रिटर्न भरे के जहमत से बाँच जाई बशर्ते ओह लोग के आमदनी पाँच लाख रुपिया सालाना से बेसी ना होखे. सरकार के अनुमान बा कि एहसे अस्सी लाख लोग रिटर्न भरे से मुक्ति पा जाई. साथही छोटका व्यापारियनो खातिर रिटर्न दाखिल कइल आसान बना दिहल गइल बा. आयकर विभाग के एह साल अनुमानो से ४००० करोड़ रुपिया बेसी आयकर मिलल बा.