आजु सबेरे देवरिया जिला के बनकटा टीसन पर रेलगाड़ी से कटा के तीन गो लड़िकन के मौत हो गइल. बसनहिया, जगदीशपुर, आ बनकटा तीन गो अलगा अलगा जगहा के ई लड़िका कोचिंग करे भाटपार रानी जाए खातिर टीसन पर आइल रहलें. एक नंबर प्लेटफार्म पर गोरखपुर जाए वाली सवारी गाड़ी खड़ा रहुवे आ तीन नंबर पर सिवान ओर जाए वाली गरीबरथ ट्रेन खुलत रहुवे. ई तीनो लड़िका दू नंबर लाइन पर खड़ा हो के देखत रहलें तबले ओही लाइन पर सिवान का ओर से छपरा मथुरा एक्सप्रेस आ गइल आ कुहासा का चलते ई लोग देख ना पावल आ ट्रेन एहलोग के काटत निकल गइल.
मरेवालन में सोरह से अठारह बरीस के रहले ई तीनो लड़िका.