बिल्थरा रोड से एगो लइकी के अपहरण के खबर बाद में झूठ निकलल. सोमार के साँझ लइकी के माई थाना में केस दर्ज करवली कि उनुका लइकी के कुछ लोग बोलेरो से ले भागल बा. लइकी पार्लर में काम सीखेले आ ओहिजे से लवटत रहल जब ओकर अपहरण कर लिहल गइल. रात में लइकी फोन कर के अपना घरे बतवलसि कि ओकर अपहरण हो गइल बा बाकिर जब अखबार में एह काँड से उपजल बवाल के खबर सामने आइल त लइकी अपना प्रेमी संगे मऊ थाना में हाजिर हो के कोतवाल से असल बात बता दिहलसि. मऊ पुलिस के सूचना पर बलिया पुलिस ओह दुनु के बलिया ले आइल. लइकी के ओकरा घरे भिजवा दिहल गइल जबकि लइका गिरफ्तार बा.

बतावल जात बा कि लइका के बहिन से लइकी के भाई के बिआहो तय रहल.