सिनेमा भोजपुरी के रोमांटिक एक्शन सितारा विक्रांत सिंह के डेग गँवे गँवे आगा ओरि बढ़ल जात बा, ‘‘मुन्ना बजरंगी’’ से चर्चा में आइल विक्रांत भोजपुरी सिनेमा के ओह गिनल चुनल नायकन में से हउवें जे हर तरह का भूमिका में फिट बइठेलें.

विक्रांत एह घरी निर्देशक रवि कश्यप के दू गो फिलिमन में, ‘बाप’ आ ‘बियाह’, व्यस्त बाड़न. एह दुनु फिलिमन में विक्रांत भोजपुरी सिनेमा के नयकी सनसनी अंजना सिंह संगे आपन जलवा देखइहें. विक्रांत जल्दिए एगो बड़हन बजट के एक्शन फिल्म में नजर अइहें जवना में अबले के सबसे अलग तरह के स्टंट देखे के मिली. एह फिलिम का बारे में विक्रांत अबहीं कुछ बोलत नइखन बाकिर उमेद जरूर राखत बाड़ें कि ई फिलिम उनुकर एगो बढ़िया पहिचान बनवा दी.

(प्रशांत निशांत)