राज्य सरकार से राय विचार कइले बिना बिहार के राज्यपाल देवानंद कुंवर अपना विशेषाधिकार के इस्तेमाल करत पाँच गो विश्वविद्यालयन में अपना मनमर्जी के कुलपति नियुक्त कर दिहले. जवना का बाद एगो प्रोफेसर अदालत के शरण ले लिहले. अब पटना हाई कोर्ट मगध विश्वविद्यालय आ आरा के कुंवर सिंह विश्वविद्यालय के कुलपतियन के अधिकार छीन लिहले बा आ सरकार अउर कुलाधिपति से जवाब मँगले बा. ओने सरकारो एह कोशिश में बिया कि पाँचो कुलपतियन के वित्तीय अधिकार पर रोक लगा देव. राज्यपाल एह मामिला में सरकार का तरफ से भेजल चिट्ठी के ना त पावती दिहले ना जवाब.