भोजपुरी सिनेमा के सुपरस्टारन में शाामिल खेसारीलाल यादव केे फिलिम ‘सन ऑफ बिहार’ होली का मौका पर 25 मार्च केे रिलीज होखे जा रहल बा. फिलिम देखे सेे पहिले रउरा सभे ला पेश बा ओकर ट्रेलर जवन यूट्यूब पर हालही में रिलीज कइल गइल बा.

‘सन ऑफ बिहार’ के निर्माता अमित कुमार गुप्ता, अजय गुप्ता, अउर उमा गुप्ता आ निर्देशक रवि सिन्हा हउवेें.

फिलिम के कहानी में खेसारी एगो वकील का किरदार में आ उनुकर नायिका स्कूल टीचर के किरदार में बाड़ी.

फिलिम के कलाकारन में खेसारी लाल यादव, मणि भट्टाचार्य, रक्षा गुप्ता, अयान खान, महेश आचार्य, गौरी शंकर, अउर रजनीश पाठक के खास नाम बा.

कैप्टन वीडियो प्रा लि प्रस्तुत एह फिलिम के सह निर्माता आलोक गुप्ता, रितु गुप्ता, पंकज गुप्ता, अउर दौलत राम गुप्ता आ सहायक निदेशकन में अर्जुन, मेज़र, परवेज़, आ तोहिद शामिल बाड़न. कथा, पटकथा आ संवाद वीरू ठाकुर के लिखल बा. गीतकार कृष्णा बेदर्दी, कोरियोग्राफर कानू मुखर्जी, मनोज गुप्ता,अउर पप्पू खन्ना, डीओपी आर.आर प्रिंस, आ एक्शन गुरु मुकेश राठौड़ हउवेें.