गोल्ड कोस्ट, 12 अप्रैल (वार्ता). बियफे का दिने डिस्कस थ्रोअर सीमा पूनिया आ नवजीत ढिल्लों 21वां राष्ट्रमंडल खेलन के एथलेटिक्स मुकाबला में भारत के पदक इंतज़ार खतम करत रजत आ कांस्य पदक जीतल लोग.
गोल्ड कोस्ट में एथलेटिक्स में भारत के मिले वाला ई पहिला पदक हउवें सँ. पिछला ग्लास्गो खेलन में एथलेटिक्स में भारत एकहेक गो स्वर्ण, रजत आ कांस्य पदक जीतले रहुवे. अबकी स्वर्ण पदक जीते से रहि गइल भारत.
डिस्कस थ्रो में सीमा 60.41 मीटर डिस्कस फेंक के रजत पदक जीतली जबकि नवजीत 57.43 मीटर फेंक के कांस्य पदक. स्वर्ण पदक आस्ट्रेलिया के डैनी स्टीवंस के मिलल जो 68.26 मीटर के नया खेल रिकार्ड बनवली.