बेतिया 23 अक्टूबर (वार्ता) बिहार मे नेपाल के सीमा से लागल पश्चिम चंपारण जिला के इनरवा इलाका में त्रिवेणी कैनाल का नियरा आजु सबेरे पुलिस एगो नेपाली तस्कर के गिरफ्तार कइलसि. ओकरा लगे से पांच किलो गांजा बरामद भइल.
पुलिस सूत्र बतवले कि मोटरसाईकिल पर सवार एगो नवही नेपाल का सीमा से त्रिवेणी कैनाल होत गांजा लेके बिहार में घुसल तबहिए पुलिस ओकर घेराबंदी क लिहलसि. ओकरा लगे से पांच किलो गांजा बरामद भइल त ओकरा के गिरफ्तार क लिहल गइल.
बतावल जात बा कि गाँजा तस्कर नेपाल के परसा जिला के दसौता गांव के ह आ ओकर नाम प्रयाग पटेल बतावल गइल बा. मिलल गाँजा के बाजार दाम करीब 50 हजार रुपिया आँकल गइल बा.
0 Comments