मशहूर अदाकार दिलीप कुमार के पाकिस्तान के पेशावर वाला पुश्तैनी घर के संरक्षित स्मारक के रूप मे विकसित करे के फैसला लिहले बिया पाकिस्तान सरकार. खंडहर बन चुकल एही छोटहन घर मे दिलीप कुमार के जनम भइल रहे.
क्रिकेट से राजनीति में आइल इमरान खान के पाकिस्तान तहरीक ए इन्साफ पार्टी के नेतृत्व वाली खैबर पख्तूनख्वा सरकार के संस्कृति विभाग के संसदीय सचिव आरिफ यूसुफ आजु मंगल का दिने पेशावर में दिलीप कुमार के किस्सा ख्वानी बाजार खुदादाद मुहल्ला वाला घरे जा के देखलन आ पत्रकारन से कहलन कि अभिनेता के पूर्वजन के एह धरोहर के संरक्षित कइल जाई.
कहलन कि बरीसन खाली रहला का बादो मकान के दीवार सुरक्षित बाड़ी स आ थोड बहुत मरम्मत क के एकरा के फेरू सुन्दर बनावल जा सकेला. एहमें समयो अधिका ना लागी आ जल्दिए एकरा के संग्रहालय बना दीहल जाई.
(वार्ता)
दिलीप कुमार के घर के स्मारक बनाई पाकिस्तान
-
0 Comments